Një libër, një përvjetor...

Rizah Sheqiri

NJË LIBËR, NJË PËRVEJTOR

DHE SHUMË KUJTIME…



Një shkrim, në shenjë falenderimi, për të gjithë ata që me respektin, mirësinë, miqësinë, bujarinë dhe mikëpritjen e tyre ma begatuan jetën me shumë kujtime të këndëshme dhe të paharruara.

( Rizah Sheqiri)

...





"Kujt i buzëqeshin lulet" një libër imi për fëmijë i botuar nga "Toena" në Tiranë tash e 20 vjet më parë.

Po... Ky libër i botuar 20 vjet më parë... më solli ndërmend se edhe botimi i një libri si ky mund të quhet përvjetor shumë i rëndësishëm ... Përvjetor i cili qoftë edhe për asgjë tjetër shumë i rëndësishëm për mua për faktin se më solli ndërmend shumë kujtime...





20 vjet më parë, më 1998, doli nga shtypi në Tiranë libri im me poezi për fëmijë "Kujt i buzëqeshin lulet" botuar nga Shtëpa Botuese "Toena". Me të ndjerët; Odhise Grillon redaktor dhe Gani Xhafollin recensent.

Kopertina është realizuar nga unë, ndërsa vajza në foto është Yllka kur ka qenë vetëm 4,5 vjet. Një foto e bërë nga unë në qytetin jugor të Suedisë, në Ystad, 5-6 vite para se të botohej libri.





Miqë të mi, dua ta ndaj me ju disa kujtime nga kjo kohë, por në fillim po ju them vetëm edhe një fakt; sot krejt rastësisht e mora në dorë këtë libër i cili më kujtoi para së gjithash një mik timin, të madhin e lerave shqipe për fëmijë z. Odhise Grillon, i cili gjatë një jave sa qëndruam atje më mori edhe në shtëpinë e tij.

Pra, ky libër i imi, sot ma solli në kujtesë të ndjerin Odhise Grillon, bisedat e shumta për letërsinë për fëmijë, për shkrimtarë e për krijues e për libra, por është e pa harruar në kujtesën time edhe mikëpritja e tij, bujaria e një njeriu me zemër të madhe, dashamirësia dhe respekti që tregoi ndaj meje dhe ndaj kolegëve të mi nga Suedia. Ky libër ma solli në kujtesë edhe takimin tonë të parë me të në Tiranë Ai ishte takimi ynë iparë , por t'i them se me Odhisen njihesha që nga bankat e shkollës kur kisha lexuar poemat e tij për fëmijë, ato libra bqë me paratë e kursyera i bleja me dashuri tek Xha Limani para Teatrit, ato libra për të cilat kisha bërë edhe ndojnë recension tek "Rilindja për fëmijë" të cilën e drejtonte poashtu një mik i cmuar e shkrimtar i madh Ymer Shkreli. Nga migrimi im në Suedi unë kisha mbajtur edhe kontakte të rregullta bashkëpunimi e letërkëmbimi me Odhisenë… Eh... Ky libër më rikujtoi edhe të ndjerin Gani Xhafolli që ishte recensent i librit. Por më kujtoj edhe mikpritjen e bujarinë e madhe të Familjes së respektuar e të dashur Toci (Fatmirit dhe Irenës) të cilët ishin bërë shtëpia jonë e dytë me përkrahjen dhe me mikpritjen e treguar ndaj nesh nga Suedia... janë të paharruara edhe takimet me miq e dashamirë të letrave në Tiranë të cilët i njihnim por vetëm përmes veprave të tyre. Gjatë kësaj Kohe vizituam edhe lidhjen e shkrimtarëve Takuma Xh.Spahiun, D. Agollin e shumë të tjerë... Pastaj Institutin e Historisë dhe atje e takuam Marenglen Verlin. Në Tiranë takuam dhe u njohëm e u bëm miqë të pandarë edhe me shumë krijues e shkrimtar si Dr.Gjevat Lloshin, të ndjerin Riza Lahin, e shumë e shumë të tjerë... Më kujtohet edhe pjesëmarrja jonë në një demostratë për Kosovën në sheshin Skenderbeu... takimi në redaksinë e Rilindjes në Tiranë me miqët tonë Ramadan Musliun e Skënder Zogajn... E shumë e shumë takime e aktivitete tjera kulturore e letrare... Të dashur miq e shuihni edhe nga ky shkrim se sikur paskam pasur nevojë shpirtrore të ulem dhe t'i shkruaj e t'i ndaj me ju këto kujtime...

Po. Sikur është e thënë dhe e shkruar që librat , qoftë edhe ata për fëmijë si ky libri im, edhe me lindjen e tyre e ringjallin për ta ruajtur kujtesën… Kujtesën që vitet përherë kërcnohen ta mbulojnë me pluhurin e harresës…

Krejt rastësisht e pashë edhe vitin e botimit 1998 të këtij libri. Edhe unë u shtanga nga habia: 20 vjet më parë!!! S'e besova dhe nuk desha as ta besoj se që nga atëherë ka ikur kaq shumë kohë, por... Ne po p ......,

s'ma zuri goja këtë fjalë prandej po them që ne po ripërtihemi e vitet po kalojnë... Miku im Ramadan Reshitaj me komentimin tij më rikujtoi edhe një moment shumë të rëndësishëm interesant nga qëndrimi ynë në Tiranë në vitin 1998 dhe pikërisht ditën kur doli nga shtypi ky libër i imi. 

Falemnderit Miku im Ramadan Reshitaj për komentimin dhe fjalët tuaja në facebook!...

Po miku Ramadan, është e vërtetë që atje ishim bashkë edhe me Dr M.Shatrin dhe me Dr. H.Abazin. Dhe për më tepër, më kujtohet, ishim bashkë edhe në Akademinë e Shkencave të Shqipërisë, ku folëm për Librin "Kosova në Luftën e dytë botërore" të mikut tonë të respektuar e të dashur Dr. M Shatrit. Pikërisht në promovimin që Dr. Shatrit dhe librit të tij iu bë atje... Për librin në evendimentin organizuar në Akademi folëm edhe unë që kisha shkruar pasthënjen e librit të Dr. Shatrit, foli edhe miku ynë H.Abazi, folën edhe shumë emra nga më eminentët nga Akademia e Shqipërisë. Akademia e Shkencave të Shqipërisë ishte edhe organizatore e këtij promovimi madhështor që iu bë mikut tonë M. Shatri dhe librit të tij. Nder që iu bë jo vetëm atij por edhe neve edhe gjithë Kosovës...

Po,po. Bashkë ishim edhe në takimin tonë me të ndjerin Odhise Grillon e bashkë me ne ishin edhe shumë miqë të tjerë e personalitete të shquara të kulturës e të letërsisë kur Odhise nxori nga canta e tij edhe një kopertinë të këtij libri që e kishte marrë në shtypshkronjë të ma bëj si dhuratë të befasisë sepse unë ende nuk dija asgjë për botimin e librit. U gëzova e u befasova shumë.

U gëzova unë e u gëzuam të gjithë bashkë.

Ishte befasi e këndëshme për mua për Juve po edhe për gjithë miqtë tanë. 

Kam përshtypje se ishte kohë tjetër ajo kohë...

Nëse për asgjë tjetër ne ju gëzoheshim shumë më shumë sukseseve dhe të arriturave të miqëve... dhe sa për ta ilustruar këtë shkaku që ishim në Tiranë ishte i tillë. I gëzoheshim shumë promovimnit të librit të një mikut tonë nga Suedia…

Ishim të gëzuar shumë për sukseset e njëri-tjetrit, e poashtu ishim edhe shumë krenar me të arriturat dhe me sukseset e njëri-tjetrit. Gjë që duhet ta ruajmë ta forcojmë e ta përcjellim tek pasardhësit tanë edhe më shumë...




Uddevalla, 6.2.2018

Rizah Sheqiri