Montag, 29. April 2013

Fatmir Gjestila: Poezi

FATMIR GJESTILA
 
SOT NË KOPSHTIN TIM

Sot në kopshtin tim
Kanë ardhur tre miq:
një zog sqepkuq,
jë breshkë, një iriq.

DY këmbë ka zogu
më pak se breshka;
këndon e cicëron
nëpër lulepjeshka.

Breshka topolake
KATËR këmbë ka,
AQ SA iriqi,
që barishte ha.

Këmbët e iriqit,
të zogut e të breshkës,
së bashku trokasin
te dera e DHJETËS!
 
 
 
AI PRAPË LOT ME TY

Tha ky Nori:
- Ky arush, që sheh këtu
kërkon mjaltë dru më dru;
çirret e bën shamatë
po s’hëngri çdo ditë mjaltë.
Është fryrë si balonë
sepse bletët e thumbojnë.

Tri në hundë e një në vesh;
ai prapë, prapë po qesh.
Dy në buzë e pesë në sy
ai prapë lot me ty.

Hajde, pra,
të gjejmë shpejt!
E thumbuan ............ bletë.
Nga "Vallja e numrave"


Keine Kommentare:

Kommentar posten